Ýkraındyq boksshy Golovkındi jekpe-jekke shaqyrdy

ASTANA. QazAqparat - Ýkraındyq kásibı boksshy Sergeı Derevıanchenko WBC, WBO, IBF jáne IBO tujyrymy boıynsha orta salmaqtaǵy álem Gennadıı Golovkındi jekpe-jekke shaqyrdy, dep habarlaıdy "SPORTINFORM" SAA.

4 naýryzda Nıý-Iorkte, Ýaılder - Ortıs aıqasynyń anderkartynda ýkraındyq Sergeı Derevıanchenko (12-0, 10 KO) amerıkalyq Dıshon Djonsondy (22-23-3, 7 KO) ýaqyt bitpeı jatyp jeńdi. Ýkraındyq boksshy aıqastan keıin Golovkın men basqa da orta salmaqtaǵy úzdik boksshylardy jekpe-jekke shaqyrdy.

«Men Golovkınmen, Alvarespen nemese Charlomen kezdesýge daıynmyn. Orta salmaqtaǵy úzdik boksshylardyń barlyǵymen judyryqtasýǵa ázirmin. Bastysy, jekpe-jekke chempıondyq tıtýl qoıylsa bolǵany. Chempıondyq tıtýldy alý úshin barlyǵyn beremin. Úzdiktermen aıqasýǵa daıynmyn. Tıtýldyq jekpe-jekti kútip sharshadym», - dep málim etti Derevıanchenko aıqastan keıin.

Eske salaıyq, Sergeı Derevıanchenko IBF reıtıngindegi nómiri birinshi sportshy jáne qazaqstandyq Gennadıı Golovkınniń (37-0-1, 33KO) qanjyǵasyndaǵy osy uıymnyń jelisi boıynsha orta salmaqtaǵy álem chempıony tıtýlyna mindetti úmitker.