Ýkraındyq bılik 14 reseılik telearnaǵa tyıym saldy

ASTANA. QazAqparat - Ýkraına bıligi «soǵys pen zorlyq-zombylyqty nasıhattaýdy» taratýǵa jol bermes úshin reseılik 14 telearnaǵa tyıym saldy.

Sáıkes buıryqqa ІІM basshysy Arsen Avakov qol qoıdy, dep habarlady Rýsskaıa slýjba VVS.

Tyıym salynǵan arnalar tizimine «Birinshi arna» jáne aǵylshyn tilindegi Russia Today arnasyn qosa alǵanda, barlyq negizgi reseılik habar taratatyn arnalar kirdi.

«Ýkraına táýelsiz egemendi memleket retinde RF tarapynan ýkraınalyq azamattar arasynda jekkórýshilik pen alaýyzdyqty órshitýge baǵyttalǵan aqparattyq agressııadan óz aqparattyq keńistigin qorǵaı alady jáne qorǵaýy tıis», - dep jazdy «Feısbýktegi» óz paraǵynda mınıstrdiń keńesshisi Anton Geraşenko.

Sonymen qatar quqyq qorǵaý toptary sóz erkindigin shekteý - senimsiz aqparatpen kúresýdiń úzdik tásili degenge kúmán bildirdi.