Ýkraınanyń munaı óńdeý zaýytynda jarylys boldy
09:41, 28 Tamyz 2020
KIEV. ÝKRINFORM – QazAqparat – Tamyzdyń 27-nen 28-ne qaraǵan túni Odessa munaı óńdeý zaýytynyń aýmaǵynda jarylys bolyp, órt shyqty, dep habarlaıdy QazAqparat «Ýkrınform» agenttigine silteme jasap.
Agenttiktiń jergilikti «Dýmskaıa» basylymyna silteme jasap habarlaýynsha, polıtsııa jarylystan keıin qosalqy stansanyń qasyndaǵy shóp órtene bastaǵanyn baıandaǵan.
Jýrnalıster sondaı-aq oqıǵa bolǵan aýdanda ys pen tútin bolǵanyn atap ótti.
Sondaı-aq, keıin polıtsııada MÓZ aýmaǵyndaǵy transformatorlyq qosalqy stansa jarylyp, odan keıin qasyndaǵy shóp órtene bastaǵanyn rastaǵan. Qaza tapqandar men zardap shekkender týraly aqparat kelip túsken joq.
Osy arada, jergilikti turǵyndar jarylystyń metall izdep, zaýytqa kabel kesý úshin jıi kelip júrgenderdiń kesirinen bolýy tıis dep kúdiktenedi.