Ýkraınanyń energetıka mınıstri shabýylshylardy terrorıster dep atady
Kreşatık kóshesiniń boıynda ornalasqan ǵımaratqa qarýlanǵan júz "maıdanger" basyp kirip, ǵımarattyń bes qabatyn túgeldeı jáne ǵımarattyń jertólesin basyp alǵan. Sala mınıstri Edýard Stavıtskııdiń málimetine saı, sherýshilerdiń basshysy Danılıýkpen "er adamsha" sóıleskennen keıin ǵımarattaǵy búlik toqtaǵan. Mınıstr mundaı strategııalyq nysanǵa shabýyl - eldiń energetıka salasyna óte qaýipti ekenin túsindire bilgen. Saǵat 12:30-da mınıstr jýrnalısterdiń qatysýymen selektorlyq keńes ótkizip, BAQ quraldarynyń suraǵyna jaýap berdi. Stavıtskııdiń aıtýynsha, «nysanǵa osylaısha basa-kóktep kirý terrorlyq áreket bolyp esepteledi». «Qazir mınıstrliktegi jaǵdaı turaqtaldy. Sabyr saqtaýlaryńyzdy suraımyn, qalypty jumysty jalǵastyrý kerek. Óıtkeni energetıkalyq júıe - ol tek eldegi qýat kózderiniń ǵana emes, eldiń de qaýipsizdigi», - dedi mınıstr.
Deı turǵanmen, qazirgi kezde nysan sherýshilerdiń qolyna ótken. Ǵımarat ishinde mınıstrlik, syrtynda maıdanshylar tur. Atap ótý kerek, maıdanshylar agroónerkásip mınıstrligin jaýlap aldy. Jeltoqsannyń basynda maıdanshylardyń menshigine qalalyq ákimshilik pen kásipodaq úıi ótti.