Ýkraınanyń Zakarpate oblysynda qaraly kún jarııalandy

<p>Zakarpate oblysynda 128-shi brıgada áskeriniń jappaı qaza tabýyna baılanysty úsh kúndik qaraly kún jarııalandy. Oǵan Reseı merekelik marapattaý kezinde shabýyl jasaǵan. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.pravda.com.ua/rus/news/2023/11/5/7427253/index.amp" target="_blank" rel="noopener">Ýkraınskaıa pravda</a> basylymyna silteme jasap habarlaıdy.&nbsp;</p>

Oblys basshysy Vıktor Mykyta 6 qarashada Zakarpate aýmaǵynda úsh kúndik oblystyq qaraly kún jarııalanatynyn aıtty.

«Óńirde áskerı mindetin oryndaý kezinde baýyrlarymyz, 128-shi brıgada sarbazdary mert boldy», - dedi ol.

Bul kúni Memlekettik tý tómen túsiriledi, kúnde tańerteń 9:00-de sarbazdardy bir mınýt únsizdikpen eske alady.

Ýkraına Qorǵanys mınıstri senbi keshke 128-shi jeke brıgada sarbazdarynyń qazasyna baılanysty Qorǵanys mınıstrliginiń Bas ınspektsııasyna tekseris júrgizýdi tapsyrdy. Sondaı-aq ol mert bolǵan áskerılerdiń otbasyna kóńil aıtty.

Keıingi derekter boıynsha, shabýyldan 28 sarbaz qaza tapqan.