Ýkraınanyń Qazaqstandaǵy burynǵy elshisine izdeý jarııalandy

<p>MÁSKEÝ. KAZINFORM &ndash; Máskeý soty Ýkraınanyń Qazaqstandaǵy burynǵy Tótenshe jáne Ókiletti Elshisi Petr Vrýblevskııdi óshpendilik týǵyzatyn sózi úshin qozǵalǵan qylmystyq is aıasynda syrttaı qamaýǵa alýǵa ruqsat berdi, dep habarlaıdy <a href="https://tass.ru/proisshestviya/20143793" target="_blank" rel="noopener">TASS.</a>&nbsp;&nbsp;</p>

Agenttiktiń naqtylaýynsha, ýkraınalyq dıplomatqa federaldy jáne halyqaralyq izdeý jarııalanǵan. 

«Aldyn ala tergeý organy RF Qylmystyq kodeksiniń 282-baby 2-bóliginiń «a» tarmaǵynda kózdelgen qylmysty jasady dep syrttaı aıyptalǵan Petr ıÝrevıch Vrýblevskııge qatysty qylmystyq isti tergeý aıasynda (óshpendilik týdyrý nemese arazdyq, sondaı-aq adamdyq qadir-qasıetin qorlaý) ýkraın dıplomatyn federaldyq, sodan keıin halyqaralyq izdeýge berý týraly qaýly shyǵardy. Budan basqa, Máskeý soty Ýkraına azamaty Vrýblevskııge RF aýmaǵyna ekstradıtsııalanǵan kezden bastap nemese aıyptalýshyny RF aýmaǵynda ustaý sátinen keıingi kezeńdi esepteı otyryp, eki aı merzimge qamaýǵa alý túrindegi bultartpaý sharasyn tańdaý týraly tergeýdiń ótinishin qanaǵattandyrdy», - dedi agenttikke sottaǵy aqparat kózi.

Ýkraınanyń eks-elshisin syrttaı qamaýǵa alý týraly sheshim qabyldaǵan Máskeýdiń Basman sotynyń derekter bazasynda kórsetilgendeı, tıisti sheshimge shaǵym áli túsken joq.

RF Qylmystyq kodeksiniń bul babynyń sanktsııasy alty jylǵa deıin bas bostandyǵynan aıyrý jazasyn kózdeıdi.