Ýkraınaǵa áýe saparlaryn jasaý sheshimin áýe kompanııalary birjaqty tártipte óz erkimen qabyldaýda
Baspasóz máslıhaty barysynda «QR Kólik jáne kommýnıkatsııa mınıstrligi elimizdiń azamattarynyń qaýipsizdigi maqsatynda qazaqstandyq áýe kompanııalaryna Ýkraınaǵa ushýǵa tyıym sala ma?» degen saýal qoıyldy.
Óz kezeginde komıtet basshysynyń orynbasary vedomstvo tek usynys jasaıtynyn atap ótti. «Belgili bir baǵdarlar bar. Qazirgi kezdegi áýe saparlary apat oryn alǵan aımaqty aınalyp ótýde», - dedi ol.
Onyń paıymynsha jaqyn arada eýropalyq qadaǵalaý, Ýkraınanyń avıatsııalyq bıligi, Halyqaralyq avıatsııalyq komıteti tarapynan atalǵan eldiń áýe keńistigin paıdalaný múmkindigi turǵysynda usynys jasaıdy.
«Qazirgi ýaqytta Ýkraına áýe keńistigin paıdalaný nemese onyń aýmaǵynda qoný boıynsha áýe kompanııalary birjaqty tártipte óz erkimen sheshim qabyldaýda», - dedi S. Muhtybaev.
Onyń aıtýynsha, Ýkraına aýmaǵy arqyly qazaqstandyq áýe kompanııalary ishinde «Eır Astana» ǵana ushqan jáne keıbir kezderde charterlik reıster jasalyp otyrǵan.
QR Kólik jáne kommýnıkatsııa mınıstrligi qazaqstandyq jáne sheteldik tranzıttik áýe kompanııalarǵa Ýkraınanyń áýe keńistigin paıdalanbaý týraly eskertti.
Budan buryn habarlanǵandaı, keshe Boeing-777 Malaysia Airlines Reseı shekarasynyń qasyndaǵy Ýkraına aýmaǵynda qulady. Laıner Amsterdam - Kýala-Lýmpýr baǵytynda ushqan. Onyń bortynda 298 adam - 283 jolaýshy men 15 ekıpaj múshesi boldy. Laıner 17 shildede shamamen saǵat 17:25 msk-te Reseı shekarasynan asyp ótýi tıis edi.