Ýkraınadan júgeri tıelgen úsh keme Bosforǵa baǵyt aldy

NUR-SULTAN. QazAqparat - Ýkraına kemejaılarynan bortynda júgeri bar úsh keme shyqty. BUU kemeler qozǵalysyn baqylaıtyn bolady. Bul týraly QazAqparat BUU jańalyqtary saıtyna silteme jasap habarlaıdy.

Olar Bosfor buǵazyna deıin baryp, sol jerde tekseristen ótedi. Búgin Birikken úılestirý ortalyǵy Chernomorskige bara jatqan Fulmar S qurǵaq júk kemesin tekserýdi aıaqtady.

Keshe Birikken Úılestirý Ortalyǵy (BÚO) Qara teńiz astyq bastamasy aıasynda úsh júk kemesine Ýkraına porttarynan shyǵýǵa ruqsat berdi. Olardyń -ekeýi Chernomorskiden jáne bireýi Odessadan shyqty. Kemeler bortyna barlyǵy 58 041 tonna júgeri tıelgen.
Teńiz gýmanıtarlyq dálizinen ótýge ruqsat alǵan kemeler 5 tamyzda jolǵa shyqty. Polarnet qurǵaq júk kemesi Chernomorsk portynan shyǵyp, Túrkııanyń Qarasý qalasyna baǵyttady. Navistar kemesi Odessa portynan Irlandııanyń Rıygaskıddı qalasynf shyqty. Rojen qurǵaq júk kemesi Chernomorskiden brıtandyq Tızportqa bet alady.
«Úsh keme jol júrip kele jatyr. Biz olardyń qozǵalysyn baqylaımyz. Olar Bosforǵa jetken soń qaıta tekseriledi», - dedi juma kúni Nıý-Iorkte ótken brıfıngte BUU ókili Stefan Dıýjarrık.

Foto: news.un.org