Ýkraınadan evakýatsııalanǵan otandastarymyzdyń jartysyna jýyǵy qaıtadan sol elge oralǵan

<p>ASTANA. KAZINFORM &ndash; Ýkraınadan evakýatsııalanǵan otandastarymyzdyń jartysyna jýyǵy qaıtadan sol elge oralǵan. Bul týraly Syrtqy ister mınıstrliginiń resmı ókili Aıbek Smadııarov aıtty.&nbsp;</p>

«Ýkraınada soǵys bastalǵan kezde Qazaqstan azamattaryn evakýatsııaladyq. Onyń jartysyna jýyǵy qaıtadan Ýkraınaǵa qaıtyp ketti. Qazir olardyń ómirine qaýip tónip tur ma, joq pa bilmeımiz. Óıtkeni, soǵys bolyp jatqanyn bizden jaqsy biledi. Ony qaıta-qaıta aıta berýdiń qajeti joq. Ár adam qaýipsizdigine ózi jaýap beredi. Biraq Elshiliktiń mindeti – azamattar habarlassa, olarǵa kómektesý», - dedi Aıbek Smadııarov búgin vedomstvoda ótken aptalyq brıfıngte BAQ ókilderiniń saýalyna oraı

28 naýryz kúni elimizdiń Syrtqy ister mınıstrligi Ýkraınanyń Odessa jáne Harkov oblystaryndaǵy jaǵdaıdyń shıelenisýine jáne qaýiptiń artýyna baılanysty Qazaqstan azamattaryna osy aımaqtardan ketý múmkindigin qarastyrýdy usynǵan edi.