Ýkraınadan evakýatsııalaý: Qazaqstannyń 10 azamaty Moldovaǵa jetti

NUR-SULTAN. QazAqparat – Ýkraınadan óz erkimen Moldava jetken Qazaqstan azamattaryn elge qaıtarý máselesi sheshilip jatyr. Bul týraly QR Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«Moldovadaǵy jaǵdaı kelsek. Búgin elshilik ondaǵy azamattar kólik uıymdastyrdy. Qazirgi ýaqytta Rýmynııanyń bas konsýldyǵynan tranzıttik vıza alý úshin Qazaqstannyń azamatyn Kagýl qalasyna jetkizý jaǵy josparlanyp jatyr. Vıza alǵannan keıin Rýmynııa arqyly shekaradan shyǵarylady. Shekaradan ótkennen keıin sharýaǵa Býharest qalasyndaǵy Qazaqstannyń elshiligi kirisedi. Sol arqyly Ystanbulǵa odan ári azamattarymyzdy elge jetkizý uıymdastyrylady», - A. Smadııarov mınıstrlikte ótken brıfıngte.

Aıta keteıik, búgin Syrtqy ister mınıstrliginde Ýkraınadaǵy qazaqstandyqtardy elge qaıtarýdy uıymdastyrý barysyna arnalǵan shuǵyl brıfıng ótti.

Brıfıngte Ýkraınanyń Lvov qalasyndaǵy Qazaqstannyń konsýldyǵy aldyna 55 azamattyń jınalǵany aıtyldy.

Sondaı-aq, Ýkraınadaǵy Qazaqstan azamattary arasynda zardap shekkender joq.

Odan bólek, Kıevtegi Qazaqstan elshiliginiń shtattyq rejımde jumys istep tur.

Qazaqstandyqtar mingen 3 avtobýs Ýkraına shekarasynda kepteliste tur.