Ýkraınadan el azamattaryn evakýatsııalaý: QR SІM «Jasyl dálizge» qatysty túsinik berdi
«Jasyl dáliz» júıesi boıynsha túsinik berip óteıin. Ol degenimiz shengen vızasynsyz shekaradan ótý. Júrgizilgen kelissózderden keıin bizge jasyl dálizben ótýge ruqsat berildi. Biraq, buny qazaqstandyqtar durys túsinbegen sekildi. «Jasyl dáliz» tek qana qazaqstandyqtarǵa arnalǵan keptelissiz jol degendi bildirmeıdi. Áskerı jaǵdaıda ondaı áreketke ruqsat berilmeıdi. Ýkraına aýmaǵynan ketkisi keletinder kóp, jalǵyz biz emes. Jáne shekaradan tek dıplomatııalyq nómiri bar avtomashınalardy shyǵaryp jatyr. Zań solaı», - dedi Darhan Káletaev.
Sondaı-aq, elshi qazaqstandyqtardy avtobýspen shekaraǵa deıin jetkizý máselesine toqtaldy.
«Otandastarymyz mingen avtobýstardyń alǵashqy legi jolǵa shyqqan kezde, Lvovta bir top adam jınalyp, shuǵyl túrde Polshaǵa jetkizýimizdi surady. Qazaqstannyń Lvovtaǵy qurmetti konsýly Galına Maslıýk olarǵa 3 avtobýstyń kepteliste turǵanyn aıtyp, kútýlerin surady. Degenmen jınalǵandar ózderi avtobýs jaldap jolǵa shyqqan. Olar qazir áli kepteliste tur, al qazaqstandyqtardy alǵashqy legin alyp ketken avtobýs qaıta oralyp, ekinshi reıs jasap jatyr», - deıdi ol.