Ýkraınadaǵy jaǵdaıdyń ekonomıkaǵa yqpal etý stsenarılerin ázirleımiz – Álibek Qýantyrov
«Ýkraınada bolyp jatqan oqıǵalar aıasynda áleýmettik-ekonomıkalyq jaǵdaıdy turaqtandyrý maqsatynda memlekettik organdardyń, «Atameken» ulttyq kásipkerler palatasynyń, bıznes jáne sarapshylar qaýymdastyǵy ókilderiniń qatysýymen Daǵdarysqa qarsy sharalar jónindegi jedel shtabtyń jumysy jolǵa qoıyldy.
Jedel shtabtyń aıasynda kólik jáne logıstıka, ınfraqurylym, saýda jáne qarjylyq ornyqtylyq boıynsha jumys toptary uıymdastyryldy», -dedi Álibek Qýantyrov.
Sondaı-aq, ol jumys toptarynyń ózara is-qımylynyń belgili bir algorıtmine sáıkes kázirgi oqıǵalardyń syrtqy ekonomıkalyq jaǵdaıǵa saldaryn kúndelikti monıtorıngteý negizinde elimizdiń ekonomıkasyna olardyń yqpalynyń stsenarııleri ázirlenip jatqanyn aıtty. Osy aqparat negizinde jedel den qoıý sharalary ázirlenedi.
«Memleket basshysynyń tapsyrmasyn oryndaý maqsatynda Ulttyq ekonomıka mınıstrligi daǵdarysqa qarsy baǵdarlamany iske asyrýdy bastady.
Qazirgi ýaqytta Mınıstrlik jaýapty memlekettik organdarmen naqty usynystardy pysyqtaýda.
Ulttyq ekonomıka mınıstrligi Memleket basshysynyń Qazaqstan halqyna joldaýynda bergen árbir tapsyrmasyn tolyq ári jedel pysyqtaıtyn bolady.
Joldaýdy tıimdi iske asyrý úshin Mınıstrliktiń jumysy bıýrokratııany boldyrmaý jáne nátıjege baǵdarlaný qaǵıdattarynda júrgiziletin bolady», - dedi mınıstr.