Ýkraınadaǵy jaǵdaı álemdegi azyq-túlik tapshylyǵy qaýpin kúsheıtedi - halyqaralyq uıym

NUR-SULTAN. QazAqparat – Halyqaralyq Azyq-túlik jáne aýyl sharýashylyǵy uıymynyń basshysy Tsıýı Dýnıýı Ýkraınadan tasymaldanatyn júktiń qysqarýy Afrıka men Azııadaǵy azyq-túlik tapshylyǵy qaýpin kúsheıtetinin eskertti. Bul týraly QazAqparat BUU jańalyqtary saıtyna silteme jasap habarlaıdy.

«Biz óndiristi ulǵaıtý arqyly jahandyq naryqtardaǵy yqtımal jetkizilim úzilisteriniń ornyn múmkindiginshe toltyrýymyz kerek», - dedi ol Germanııada ótken G7 elderi aýyl sharýashylyǵy mınıstrleri otyrysynda sóılegen sózinde.
Uıym basshysy osy kezdesýge onymen Shyǵys Eýropadaǵy qaqtyǵystyń jahandyq azyq-túlik qaýipsizdigi úshin saldaryn talqylaýyna qatysýǵa shaqyryldy. Ýkraınadaǵy soǵysqa deıin, 2021 jyly planetada shamamen 193 mıllıon adam azyq-túlik tapshylyǵyn kórdi. Bul budan bir jyl burynǵy kórsetkishpen salystyrǵanda 40 mln adamǵa kóp.
«Osyndaı alańdatarlyq jaǵdaıda biz qazir Ýkraınadaǵy soǵystyń saldarymen kúresýimiz kerek», - dedi Tsıý Dýnıýı. Baǵanyń tómendeýi ázirge kútilmeıdi. Reseı men Ýkraına- álemdik naryqta eń iri jetkizýshiler. Eki eldiń qaqtyǵysyna baılanysty týyndaǵan jaǵdaı qazirdiń ózinde, ásirese bıdaı, júgeri jáne maıly daqyldar, sondaı-aq tyńaıtqyshtar baǵasynyń qymbattaýyna ákeldi.
Bul ósim suranystyń joǵary bolýynan jáne pandemııaǵa baılanysty óndiris shyǵyndarynyń joǵarylaýynan týyndaǵan baǵanyń kóterilýine baılanysty boldy. Azyq-túlik baǵasynyń ındeksi naýryzda eń joǵary kórsetkishke jetip, sáýirde az ǵana tómendedi.
Uıym basshysy Úndistan men Eýroodaqtyń jetkizýdi ulǵaıtý ýádelerine qaramastan, jaqyn arada baǵanyń tómendeýin kútýge bolmaıtynyn aıtty.

Bıdaı ımportyna ásirese Mysyr jáne Túrkııa, sondaı-aq Saharanyń ońtústigine jaqyn ornalasqan elder táýeldi bolsa, Argentına, Bangladesh jáne Brazılııa reseılik tyńaıtqyshtyń jetkizilýine súıenip otyr.