Ýkraınadaǵy qazaqstandyqtar otyrǵan alǵashqy reıs Polshadan ushyp shyqty
16:23, 28 Aqpan 2022
NUR-SULTAN. QazAqparat – Air Astana áýe kompanııasynyń Airbus A321 ushaǵy qazaqstandyqtardy ákelý úshin búgin, Almaty ýaqytymen saǵat 09:53-te Atyraýdan Polshanyń Katovıtse qalasynan ushyp shyqty, dep habarlaıdy QazAqparat SІM silteme jasap.
Reıs Katovıtseden saǵat 10:30-da ushyp, Atyraýǵa 19:20-da jetedi. Janarmaı quıǵannan keıin Almatyǵa 00:30-da keledi dep kútilýde.
QR SІM málimetinshe, osy ushaqpen 175 qazaqstandyq oralady. Ekinshi repatrıatsııalyq reıs 1 naýryzǵa josparlanǵan. Katovıtseden 02:15-te shyǵyp, Atyraýǵa 11:35-te keledi.
Buǵan deıin habarlanǵandaı, Qazaqstan azamattary úshin Polshanyń Katovıtse qalasynda úsh repatrıatsııalyq reıs uıymdastyrylady.
Azamattarymyzdy Ýkraınadan alyp kelýge qatysty másele Prezıdent Qasym-Jomart Toqaevtyń jeke baqylaýynda.