Ýkraınadaǵy Qazaqstan azamattary Varshavada daýys bere alady

ASTANA. QazAqparat – Ýkraınadaǵy Qazaqstan azamattary Varshavada daýys beredi. Bul týraly búgin QR Ortalyq saılaý komıssııasynyń otyrysynda QR Syrtqy ister mınıstrliginiń erekshe tapsyrmar jónindegi elshisi Jalǵas Ádilbaev aıtty, dep habarlaıdy QazAqparat tilshisi.

«Qazirgi tańda syrtqy saıası vedomstvonyń shet elderdegi mekemeleriniń janynda, 53 memlekette 68 ýchaskelik komıssııa quryldy. Barlyq komıssııa músheleri bekitilip, olardyń sáıkestigin anyqtaý boıynsha testileý ótkizildi. Barlyq saılaý ýchaskeleri prezıdent saılaýyn ótkizýge daıyn. Ózderińizge belgili, Ýkraınadaǵy ahýalǵa baılanysty sol jerdegi Qazaqstan azamattary men elshilik qyzmetkerleri Varshava qalasynda daýys beredi», - dedi SІM ókili.

Onyń atap ótýinshe, QR Ortalyq saılaý komıssııasy Syrtqy ister mınıstrligine joldaǵan barlyq saılaý bıýlletenderi men saılaý úshin qajetti qujattar shet elderdegi mekemelerimizdiń ókilderi arqyly jetkizildi.

«Olardyń issaparlaryn qamtamasyz etý boıynsha barlyq is-sharalar tolyq iske asyryldy. Atalǵan ýchaskelerde Qazaqstannyń 12 527 azamatynyń daýys beretindigi kútiledi», - dedi Jalǵas Ádilbaev.