Ýkraınadaǵy qazaq dıasporasyna barlyq qajetti kómek kórsetiledi – Elshi

KIEV. QazAqparat - Ýkraınadaǵy qazirgi jaǵdaıǵa baılanysty qazaq dıasporasynyń ókilderine barlyq qajetti kómekti kórsetýge daıynbyz. Bul týraly Qazaqstan Respýblıkasynyń Ýkraınadaǵy Tótenshe jáne ókiletti elshisi Darhan Káletaev osy eldegi qazaq dıasporasynyń jetekshisi Danııar Egemberdıevpen kezdesýde aıtty, dep habarlaıdy QazAqparat.

Kezdesýde Danııar Egemberdıev Elshige Ýkraınadaǵy qazaq dıasporasy músheleriniń turmys-tirshiligi týraly aıtyp bergen. Sondaı-aq ol qazaq dıaspora ókilderi Qazaqstanda bolyp jatqan saıası protsesterdi belsendi túrde talqylap, olarǵa qoldaý bildiretinin atap ótti.

«Óz kezeginde Elshi Ýkraınadaǵy qazirgi jaǵdaıǵa baılanysty elshilik qazaq dıasporasynyń ókilderine barlyq qajetti kómekti kórsetýge daıyn ekenin aıtty», - delingen habarlamada.

Málim etilgendeı, qazaq dıaspora músheleri aptasyna 1 ret turaqty túrde qarýly qaqtyǵystardan zardap shekken qalalardyń turǵyndaryna qaıyrymdylyq is-sharasyn ótkizip turady.

Foto: t.me/KZembassyinUKR