Ýkraınadaǵy qaqtyǵystarǵa qatysyp jatqan qazaqstandyqtar joq - QR SІM

ASTANA. QazAqparat - QR Syrtqy ister mınıstrligine Ýkraına terrıtorııasyndaǵy qarýly qaqtyǵystarǵa Qazaqstan azamattarynyń qatysýy týraly eshqandaı málimet kelip túspegen. Bul týraly búgin Ortalyq kommýnıkatsııalar qyzmetinde ótken brıfıngte jýrnalısterdiń suraqtaryna jaýap berý barysynda QR Syrtqy ister mınıstriniń orynbasary Erjan Ashyqbaev málimdedi.

«Bizde qazirgi kezde bul máselege qatysty eshqandaı málimet joq», - dedi vıtse-mınıstr.

Sondaı-aq, ol osydan biraz ýaqyt buryn ýkraınalyq BAQ-ta jaryq kórgen Ýkraınadaǵy qarýly qaqtyǵystarǵa qazaqstandyqtardyń jappaı qatysyp jatqandyǵy týraly aqparatty joqqa shyǵardy.

«Bul alyp-qashpa áńgimelerge keler bolsaq, mundaı oqıǵamen Kavkazdaǵy, Ońtústik Kavkazdaǵy qaqtyǵystar kezinde de kezdeskenbiz. Mundaı aqparattar jıi shyǵady, alaıda olar rastalmaı qalady. Nemese áńgime buryn Qazaqstanda týyp, qazir basqa eldiń azamattyǵymen júrgen adamdarǵa qatysty bolyp shyǵady», - dep túsindirdi E. Ashyqbaev.