Ýkraınadaǵy qaqtyǵys órship barady

ASTANA. QazAqparat - Ýkraınada jaǵdaı kúrt ýshyǵyp barady. Maıdandaǵy qaqtyǵystar kezinde 5 adam ajal qushty. Jaraqattanǵandar da az emes. Olardyń arasynda 37 tártip saqshysy bar.

Aýyr jaralanǵan 200-den astam adam medıtsınalyq kómekke júgindi, dep habarlaıdy Kıev ákimshiliginiń saıty. Kúshtik qurylymdar sherýshilerdi taratý úshin arnaıy quraldardy qoldanýda. Budan buryn qaqtyǵystar kezinde 185 adam jaraqat alyp, olardyń 89-y aýrýhanaǵa jatqyzyldy dep habarlanǵan bolatyn. Al densaýlyq saqtaý mekemesiniń shuǵyl aqparatyna qaraǵanda, aýrýhanaǵa túskender 110-nan asqan.

Qaza tapqandardyń ishinde «Aımaq» partııasynyń múshesi ári qyzmetshisi, 2 saqshy jáne taǵy 2 adam bar.

Aıta keter jaıt, buǵan deıin myńdaǵan adam Joǵarǵy Radaǵa sherý uıymdastyryp, beıbit bastalǵan sharanyń sońy qaqtyǵysqa ulasqan. Kóshege shyqqan halyqtyń basty talaby - el konstıtýtsııasyn ózgertý.