Ýkraınadaǵy «Boıng 777» ushaq apaty áskerı qylmys retinde qaralýy múmkin - BUU
16:19, 28 Shilde 2014
ASTANA. QazAqparat - Birikken Ulttar Uıymy Ýkraınadaǵy Malaysia Airlines kompanııasynyń jolaýshylar ushaǵynyń apatyn áskerı qylmys retinde qarastyrýdy joqqa shyǵarmaıdy.
Bı-Bı-Sı teleradıokorporatsııasynyń taratqan habaryna qaraǵanda, BUU-nyń Adam quqyqtary jónindegi joǵary komıssary Navı Pıllaı «munda másele áskerı qylmys týraly bolyp qalýy kádik» degen paıym jasaǵan.
Eske sala keteıik, Amsterdam (Nıderlandy) - Kýala-Lýmpýr (Malaızııa) baǵytyndaǵy Malaysia Airlines kompanııasynyń «Boıng 777» ushaǵy Ýkraına aýmaǵynda shildeniń 17-sinde apatqa ushyrap, onyń bortyndaǵy 298 adam qaza bolǵan edi.