Ýkraınada narazylyq aktsııasynyń 14 qatysýshysy qamaýǵa alyndy
18:49, 05 Jeltoqsan 2013
ASTANA. 5 jeltoqsan. QazAqparat - Kıevtegi narazylyq aktsııasy barysynda Ýkraınanyń quqyq qorǵaý organdary 64 qylmystyq óndiristi bastap, 14 adamdy qamaýǵa aldy. Bul týraly Ýkraına ІІM bas tergeý basqarmasy basshysynyń orynbasary Oleg Tatarov habarlady, dep jazady VVS.
Sonymen qatar narazylyq aktsııasy kezinde aýrýhanaǵa jetkizilgender 412 adamǵa deıin jetken. Zardap shekkenderdiń arasynda 220-dan astamy quqyq qorǵaý organdarynyń qyzmetkerleri eken.
21 qarashadan beri Ýkraınada eýroıntegratsııa jaqtastarynyń jappaı aktsııasy ótip jatyr. Olar EO-men qaýymdastyq jónindegi kelisimge qol qoıý daıarlyǵyn toqtata turý týraly Mınıstrler kabınetiniń sheshimine narazy.