Ýkraınada koronavırýstan qaıtys bolǵandar sany 25 myńnan asty

KIEV. ÝKRINFORM –QazAqparat – Ýkraınada ótken táýlikte COVID-19 vırýsyn juqtyrýdyń 6295 jaǵdaıy, 73 ólim jaǵdaıy tirkeldi, dep habarlaıdy QazAqparat eldiń Ulttyq aqparat agenttigi «ÝKRINFORM»-ǵa silteme jasap.

Agenttiktiń habarlaýynsha, bul týraly Facebook-te eldiń densaýlyq saqtaý mınıstri Maksım Stepanov málimdegen.

«Ýkraınada 2021 jylǵy 20 aqpandaǵy jaǵdaı boıynsha COVID-19 koronavırýs aýrýyn juqtyrýdyń 6 295 jańa jaǵdaıy tirkelgen. Jekeleı alǵanda, 429 bala men 223 medıtsına qyzmetkeri aýrýǵa shaldyqqan», - dep jazdy ol.

Mınıstrdiń málimetinshe, ótken táýlikte 2 225 adam aýrýhanaǵa jatqyzylǵan, 73 naýqas kóz jumǵan, 4 539 adam saýyǵyp shyqqan.

Pandemııa bastalǵaly Ýkraınada 1 299 967 adam koronavırýsqa shaldyqqan. Ólim jaǵdaılarynyń sany – 25 045.