Ýkraınada koronavırýs juqtyrý boıynsha jańa antırekord tirkeldi

NUR-SULTAN. QazAqparat - Ýkraınada koronavırýs juqtyrý sany boıynsha jańa antırekord tirkeldi. Sońǵy táýlikte elde vırýs juqtyrýdyń 18 myńnan astam oqıǵasy tirkeldi. Taǵy 326 patsıent qaıtys boldy. Bul týraly QazAqparat Euronews-ke silteme jasap habarlaıdy.

«Qyzyl» aımaqta 11 óńir tur, sonyń arasynda Kıev qalasy da bar. 4 naýryzda Ýkraına bıligi elde pandemııanyń úshinshi tolqyny bastalǵanyn jarııalady.

Aýrýhanalardaǵy jaǵdaı kúrdeli, medıtsına qyzmetkerleri statsıonarlyq em qabyldaýǵa muqtaj adamdardyń sany qańtar aıynan beri tórt ese kóbeıgenin aıtýda. Sońǵy eki aptada aýrýhanaǵa jatqyzylǵan adamdardyń sany kúrt ósken.

Pandemııa bastalǵaly, Ýkraınada ınfektsııa juqtyrǵan 31 myń adam qaıtys boldy. Jappaı vaktsınalaý naýqany munda bir aı buryn bastalǵan. Ekpeni 174 myń ýkraınalyq azamat saldyrtty, olardyń kóbi vaktsınanyń tek bir dozasyn ǵana alǵan.