Ýkraınada koronavırýs juqtyrǵandar sany 450 myńnan asty

KIEV. Ýkrınform-QazAqparat - Ótken táýlikte Ýkraınada 10 746 adam koronavırýs ınfektsııasyn juqtyrǵan. Onyń ishinde 316 bala jáne 519 medıtsına qyzmetkeri bar. Bul jaıynda eldiń densaýlyq saqtaý mınıstri Maksım Stepanov málim etti, dep habarlaıdy QazAqparat Ýkrınform agenttigine silteme jasap.

«Sońǵy táýlikte Ýkraınada koronavırýstyń 10 746 jańa deregi tirkeldi. Osy bir kúnde 1470 adam aýrýhanaǵa jatqyzylsa, 187 naýqas qaterli indetten kóz jumǵan. Syrqattan jazylyp ketkender sany - 8 685 adam» dep atap ótti mınıstr.

Aıta keteıik, pandemııa bastalǵaly beri Ýkraınada 450 934 adam koronavırýs ınfektsııasyn juqtyryp úlgergen. 204 229 adam dertinen aıyǵyp ketse, 8 312 kisi qaıtys boldy.

Ótken táýlikte koronavırýs faktileriniń kópshiligi Kıev qalasynda (854) jáne Harkov (1008), Jıtomır (602), Hmelnıtskıı (579), Lvov (557) oblystarynda tirkelgen.