Ýkraınada koronavırýs juqtyrǵandar sany 40 myńnan asty

KIEV. ÝKRINFORM - QazAqparat – Ýkraınada 25 maýsymdaǵy jaǵdaı boıynsha 40 008 adamnan COVID-19 tabylǵan, bir táýlikte 994 jańa jaǵdaı tirkeldi, dep habarlaıdy QazAqparat Ýkraınformǵa silteme jasap.

Buǵan Ulttyq qaýipsizdik jáne qorǵanys qyzmeti Koronavırýs taralýynyń monıtorıng júıesi derekteri dálel bolyp otyr. Oǵan sáıkes, bir táýlikte 16 adam qaıtys bolsa, 349 adam emdelip shyqqan. Ýkraınada epıdemııa bastalǵan ýaqyttan bastap 1067 adam COVID-19-dan qaıtys bolyp, 17758 adam emdelip shyqty.