Ýkraınada koronavırýs juqtyrǵandar sany 1,3 mıllıonnan asty

KIEV. ÝKRINFORM – QazAqparat – Ýkraınada 21 aqpandaǵy jaǵdaı boıynsha COVID-19 vırýsyna shaldyǵýdyń 1 304 456 deregi rastaldy, olardyń 4 489-y sońǵy táýlikte anyqtaldy, dep habarlaıdy QazAqparat Ýkraınanyń Ulttyq aqparat agenttigi «Ýkrınformǵa» silteme jasap.

Agenttiktiń habarlaýynsha, bul týraly Facebook-te eldiń densaýlyq saqtaý mınıstri Maksım Stepanov málimdegen.

«Ýkraınada 2021 jylǵy 21 aqpandaǵy jaǵdaı boıynsha COVID-19 koronavırýs dertin juqtyrýdyń 4 489 jańa jaǵdaıy tirkelgen. Jekeleı alǵanda, 323 bala men 133 medıtsına qyzmetkeri aýrýǵa shaldyqqan», - delingen mınıstr habarlamasynda.

Ótken táýlikte 58 naýqas kóz jumǵan, 1557 patsıent emdelip shyqqan. Budan bólek bir táýlikte 2 445 adam aýrýhanaǵa jatqyzyldy. Sońǵy táýlikte 27 188 adam testileýden ótken.

Pandemııa bastalǵaly Ýkraınada 1 146 073 adam saýyǵyp shyqqan. Ólim jaǵdaılarynyń sany – 25 103.