Ýkraınada qazaq jaýyngeriniń rýhyna taǵzym etildi

NUR-CULTAN. QazAqparat – Ýkraınada qazaq jaýyngeri – Keńes odaǵynyń batyry Serikbaı Mútkenovty eske alyp, rýhyna taǵzym etildi, dep habarlaıdy QazAqparat Elshilikke silteme jasap.

22 maýsym Ekinshi dúnıejúzilik soǵysy kezinde qaza bolǵandardy Eske alý jáne aza tutý kúni Qazaqstan Respýblıkasynyń Ýkraınadaǵy Tótenshe jáne Ókiletti elshisi Darhan Káletaev Ýkraınanyń Rezıno aýylynda ornalasqan Keńes odaǵynyń batyry Seribaı Mútkenovtiń eskertishine gúl shoqtaryn qoıdy.

342-atqyshtar polkiniń komandıri Serikbaı Mútkenov 1943 jyly qazan aıynda alǵashqylardyń biri bolyp Dnepr ózeninen ótip, jaý kúshterin joıýǵa qatysyp 1944 jyly 5 qańtarda Rezıno mańyndaǵy shaıqasta qaza tapty.

Rezıno turǵyndary aýyldy azat etý úshin qaza tapqan barlyq maıdangerlerdiń jarqyn esteligin saqtaıdy. Batyrlardyń esimderi aýyl ortalyǵyndaǵy obelıskide jáne áskerı dańq murajaıynyń stendterinde kórsetilgen. Solardyń biri qazaq batyry Serikbaı Mútkenov. Sondaı-aq onyń eskertkish taqtasy Rezıno orta mektebiniń áskerı dańq bólmesinde de ornatylǵan.