Ýkraınada karantın 30 sáýirge deıin uzartyldy

KIEV. Ýkrınform-QazAqparat – Ýkraınanyń Mınıstrler kabıneti elde 30 sáýirge deıin beıimdelgen karantın belgileý, epıdemııalyq qaýiptiń 4 deńgeıin jáne olardy anyqtaý kórsetkishterin belgileý týraly qaýly qabyldady. Bul týraly Ýkraınanyń densaýlyq saqtaý mınıstri Maksım Stepanov úkimet otyrysynda málim etti, dep habarlaıdy QazAqparat Ýkrınformǵa silteme jasap.

«Biz el aýmaǵynda karantın merzimin 2021 jyldyń 30 sáýirine deıin jalǵastyrýdy usynamyz. Bizdiń esepteýimizshe, 30 sáýirge deıin karantınde ómir súrýimiz kerek. Epıdemııalyq qaýip deńgeılerin engize otyryp, Ýkraına aýmaǵynda beıimdelgen karantın ornatýdy, 4 deńgeıge bólýdi usynamyz: jasyl, sary, qyzǵylt sary jáne qyzyl»,- dedi Stepanov.

Stepanovtyń aıtýynsha, jasyl deńgeı – karantındik shekteýlerdi qaıta qaraý nemese alyp tastaý máselelerin qarastyrý úshin qajetti kórsetkish.

Qazir búkil el úshin bastapqy deńgeı retinde belgilengen sary deńgeıde, elde 8-25 qańtarda qatań karantın jarııalanǵannan keıin qaıta oralǵan shekteýler bar. Qazir Stepanovtyń aıtýynsha, birqatar jeńildik jasalǵan: bir adam úshin 4 sharshy metr aýmaq nemese zaldardyń 50%-ǵa tolýy qamtamasyz etilse ǵana buqaralyq, mádenı, sporttyq is-sharalar ótkizýge ruqsat etildi. 20-dan astam adamnan turatyn toptarǵa bilim berý mekemelerine barýǵa ruqsat etiledi. Sporttyq komandalyq oıyndardy jankúıerlermen ótkizýge ruqsat etiledi, biraq oryndar sanyna shekteý qoıylady.Qoǵamdyq tamaqtaný oryndaryna 24 saǵatqa deıin (buryn - 23-ke deıin) jumys isteýge ruqsat etiledi.

Stepanovtyń aıtýynsha, qyzǵylt sary deńgeıde qosymsha karantındik shekteýler joq.

Qyzyl deńgeıde qatań karantındik shekteýler engiziledi.

Qaýly bir kún merzimde pysyqtalyp qabyldandy.

Stepanov Mınıstrler Kabıneti tańdaǵan COVID-19-men kúresý strategııasy ýkraındyqtardyń ómirin saqtaýǵa kómektesti dep sanaıdy.

Onyń aıtýynsha, Ýkraına qazir 1 mıllıon turǵynǵa shaqqanda COVID-19-dan bolǵan ólim sany boıynsha Eýropada 34-shi orynda tur.

17 aqpandaǵy jaǵdaı boıynsha Ýkraınada koronavırýs juqtyrýdyń 1 280 904 jaǵdaıy rastalǵan. Onyń 4286-sy sońǵy táýlikte anyqtaldy.