Ýkraınada dinı merekelerge memlekettik mártebe berilýi múmkin

NUR-SULTAN. QazAqparat - Ýkraına Prezıdenti Vladımır Zelenskıı Mınıstrler kabınetine keıbir dinı merekeler, sonyń ishinde Ramazan meıramy, Qurban aıt, Pesah, Rosh-ha-Shana, Hanýka, Pasha sııaqty meıramdarǵa memlekettik mártebe berý týraly máseleni qaraýdy tapsyrdy. Bul týraly QazAqparat Ýkrınformǵa silteme jasap habarlaıdy.

Osy máselege qatysty № 303/2020 Jarlyq memleket basshysynyń saıtynda jarııalandy.

«Ýkraınanyń Mınıstrler kabıneti Jalpyýkraınalyq shirkeýler keńesimen, dinı uıymdarmen, Ýkraınanyń Ulttyq eske alý ınstıtýtymen birlese otyryp keıbir dinı merekelerge, atap aıtqanda: Ramazan meıramy, Qurban aıt meıramy, Pasha, Rosh-Ha-Shana, Hanýka meıramdaryna memlekettik mártebe berý máselesin qarastyrady. Batys dástúrindegi hrıstıandar úshin jáne basqa adamdar úshin Pasha Ýkraınanyń Joǵarǵy Radasynyń qaraýyna tıisti zań jobasyn usynýy kerek», - delingen qujatta.

Mundaı usynys azamattardyń konstıtýtsııalyq quqyqtary men bostandyqtaryn qamtamasyz etý, barlyq dindarlar úshin teń quqyqtar men múmkindikterdi júzege asyrý, ýkraın qoǵamynyń tarıhyn, mádenıetin, dástúrlerin kóp ultty jáne kópkonfessııaly dep qurmetteý maqsatynda usynylǵandyǵy atap ótildi.

Jarlyq jarııalanǵan kúninen bastap kúshine enedi.