Ýkraınada bıyl kóktemgi áskerge shaqyrý naýqany bolmaıdy

KIEV. QazAqparat – Dúısenbide Ýkraına prezıdenti Vladımır Zelenskıı bıyl kóktemgi áskerge shaqyrýdan bas tartý týraly Jarlyqqa qol qoıdy, dep habarlaıdy QazAqparat TASS aqparat agenttigine silteme jasap.

Qujat mátini Ýkraına prezıdenti keńsesiniń saıtynda jarııalanǵan.

Onda 2021 jylǵy 29 jeltoqsandaǵy «Shuǵyl áskerı qyzmetkerlerdi zapasqa aýystyrý, kezekti áskerge shaqyrý merzimderin ótkizý jáne 2022 jyly Ýkraına azamattaryn kezekti áskerge shuǵyl shaqyrý týraly» jarlyqqa ózgerister engizý qarastyrylǵan.

Mátinde elde sáýir-maýsym aılarynda áskerge kezekti shaqyrý kúnin belgileıtin tarmaqtar alynyp tastaldy.

Sondaı-aq, jarlyqta buryn áskerı qyzmetke shaqyrylǵandardy demobılızatsııalaý keıinge qaldyrylǵany jazyldy.

Olardy zapasqa aýystyrý «belgilengen tártipte demobılızatsııalaý týraly habarlandyrýdan erte emes» ótetini atap ótilgen.

24 aqpan kúni Ýkraınanyń barlyq aýmaǵynda áskerı jaǵdaı engizildi.

15 naýryz kúni Rada onyń merzimin 26 naýryzdan bastap taǵy 30 kúnge uzartty.