Ýkraınada barlyq balalar úıi jabylady
Bul jaıly Ýkraına densaýlyq saqtaý mınıstriniń mindetin atqarýshy Ýlıana Sýprýn Facebook-tegi paraqshasynda jazdy. Onyń aıtýynsha, jaqsy jaǵdaı jasalǵan eshbir úlgili ınternat mekemesi otbasyn almastyra almaıdy, sol sebepti úkimet ata-anasynsyz turatyn balalardy qoldaý júıesine ózgerister engizýdi qolǵa aldy.
«Shyndyǵynda Ýkraınadaǵy osyndaı mekemelerde turatyn balalardyń tek 8%-y jetim balalar mártebesine ıe. Qalǵandary anasy nemese ákesi nemese ata-anasynyń ekeýi de balany tárbıeleı almaıdy», - dedi Sýprýn.
Onyń aıtýynsha, bul balalar óz otbasylarynda ómir súrý úshin otbasylaryna kómektesý joldaryn izdestirý kerek.
«Ótken jyly Ýkraına Mınıstrler Kabınetiniń «Ońaltý ortalyqtary jáne balalarǵa pallıatıvtik kómek týraly erejeni bekitý týraly» qaýlysynyń jobasyn daıyndadyq. Sonyń negizinde balalar úılerin medıtsınalyq ońaltý jáne pallıatıvtik kómek ortalyqtaryna aınaldyrý qarastyrylǵan», - dedi sheneýnik.