Ýkraına SІM basshysynyń orynbasary Kabýlda ushaqty aıdap ketkeni týraly málimdedi

KIEV. ÝKRINFORM-QazAqparat – Ótken jeksenbi kúni Kabýl áýejaıynda qarýlanǵan belgisiz adamdar ushaqty basyp aldy. Ol Aýǵanstannan azamattardy evakýatsııalaýy kerek bolatyn. Bul týraly Qoǵamdyq radıoǵa túsinikteme berý kezinde syrtqy ister mınıstriniń orynbasary Evgenıı Enın aıtyp berdi, dep habarlaıdy QazAqparat Ýkrınformǵa silteme jasap.

«Ótken jeksenbide bizdiń ushaqty basqa bireýler basyp aldy. Olar qarýly adamdar edi. Seısenbi kúni bizdiń ushaq urlandy – ýkraınalyqtardy jetkizýdiń ornyna ol bortyndaǵy belgisiz jolaýshylar tobymen Iranǵa ushty. Bizdiń odan keıingi adamdardy evakýatsııalaý boıynsha úsh áreketimiz de sátsiz aıaqtaldy, sebebi jolaýshylar áýejaı aýmaǵyna kire almady», - dedi SІM basshysynyń orynbasary.

Ol sońǵy apta boıy mınıstr Kýlebanyń basshylyǵymen búkil dıplomatııalyq qyzmettiń «krash-test» rejıminde jumys istegenin aıtyp ótti.

Ýkrınformnyń habarlaýynsha, 23 tamyz kúni keshke Kıevke Kabýldan kelgen ushaq qondy.

Onyń bortynda Aýǵanstannan evakýatsııalanǵan 98 adam bolǵan, olardyń 41-i – ýkraınalyq.