Ýkraına shekarasynda kvadrokoptermen temeki tasymaldaǵan kontrabandashy ustaldy
07:27, 18 Qazan 2016
ASTANA. QazAqparat - Ýkraına shekarashylary Vengrııamen shekarada dron kómegimen temeki tasymaldaǵan kontrabandashyny ustady. Bul týraly Ýkraınanyń memlekettik shekara qyzmeti habarlady.
Chopskıı shekarashylary 15 qazanda kúzetiletin aýmaqta qashyqtan basqarylatyn dronnyń ushqanyn baıqaǵan. Іzdeý barysynda ýkraına-vengr shekarasynyń mańynan segiz ebelekti (vınt) kvadrokopter jáne buta arasynda jasynyryp otyrǵan onyń operatoryn ustaǵan.
Kvadrokopter janynan quqyq qorǵaý qyzmetkerleri 16 blok Ýkraınada jasalatyn temeki salynǵan jáshik tapqan. Dronǵa taǵy da 16 qorap tirkelgen. Shekarashylardyń oıynsha kontrabandashylar temekini osyndaı jolmen Vengrııaǵa jiberip otyrǵan.
Bıyl shekarada temekini kórshi elge tasymaldaǵan 13 ushý apparaty tárkilengen.
Ýkraına shekara qyzmetiniń spıkeri Oleg Slobodıannnyń aıtýynsha, temeki Eýroodaqqa jetkiziletin kontrabandanyń negizgi túri eken.