Ýkraına Saakashvılıge bosqyn mártebesin berýden bas tartty

ASTANA. QazAqparat - Ýkraınanyń memlekettik kóshi-qon qyzmeti Odessa oblysynyń burynǵy basshysy Mıhaıl Saakashvılıge bosqyn mártebesin berýden bas tartty. Bul jaıly jýrnalısterge Ýkraınanyń bas prokýrory ıÝrıı Lýtsenko málim etti, dep habarlaıdy QazAqparatAnadoly agenttigine silteme jasap.

«Meniń jańalyǵym bar. Qazir memlekettik kóshi-qon qyzmeti Saakashvılıge bosqyn mártebesin berýden bas tartty. Endi ol apatrıd (turatyn elinde azamattyǵy joq tulǵa - red.) jáne onyń deportatsııasyna múmkindik bermeıtin jaǵdaı joq», - dedi Lýtsenko.

Saakashvılı 2015 jyldyń 30 mamyrynda Prezıdent Petr Poroshenkonyń ókimimen Ýkraına azamattyǵyn alǵan bolatyn. Ol Odessanyń gýbernatory qyzmetine taǵaıyndaldy, alaıda 2016 jyly qyzmetinen ketip, «Jańa kúshter qozǵalysy» oppozıtsııalyq partııasyn qurdy.

2017 jyldyń shilde aıynda Poroshenko Saakashvılıdi Ýkraına azamattyǵynan aıyrý týraly jarlyq shyǵardy.

Qyrkúıek aıynda oppozıtsııanyń qoldaýymen Saakashvılı Ýkraına shekarasy arqyly pasporttyq baqylaýsyz Polshaǵa ótip kete aldy. Al onyń jaqtastary 17 qyrkúıek kúni Ýkraına Parlamentiniń aldynda narazylyq aktsııalaryn ótkizdi.