Ýkraına-Reseı máselesi: Qazaqstandyq kásipkerlerge kómektesetin shuǵyl shtab jumys isteıdi

NUR-SULTAN. QazAqparat – Ýkraına-Reseı arasyndaǵy máselege baılanysty Úkimet janynan qazaqstandyq kásipkerlerge kómektesetin shuǵyl shtab jumys istep jatyr. «Atameken» ulttyq kásipkerler palatasy Tóralqasynyń tóraǵasy Raıymbek Batalov tikeleı efırde ótken brıfıngide osyndaı málimet aıtty, dep habarlaıdy QazAqparat tilshisi.

«Ýkraınaǵa taýar ótkizý buzyldy, kórshi elderge taýar ótkizý buzyldy. Osyndaı kúıip turǵan máseleler tolyp jatyr. Premer-Mınıstrmen kún saıyn keshke shtab jıyny ótedi. Kerek mınıstrlerdiń bári sol shtabqa qatysady. Ár máseleni pysyqtap, naqty faktilerdi berip otyrmyz. Sol faktiler boıynsha birden tapsyrmalar beriledi. Máseleler osyndaı jolmen sheshilip jatyr. Ázirge algortımderdi ázirlep jatyrmyz. Durys algorıtmdi synap, tańdap jatyrmyz desek bolady». – dedi palata Tóralqasynyń tóraǵasy.

Onyń aıtýynsha, jaǵdaı shynymen de tótenshe.

«Rýbldiń kesirinen teńge baǵamy qalaı qubylǵanyn kórip otyrsyzdar. Mundaı kúıip turǵan máseleler óte kóp. Óńirlik palatalardyń bári osyndaı rejımmen jumys istep jatyr.

Sondaı-aq, kórshi elderdegi geosaıası jaǵdaıǵa baılanysty týyndaǵan problemalardy birneshe sanatqa bólip qarap jatyrmyz. Shaǵyn jáne mıkro, iri jáne orta bıznes dep bólip qarap jatyrmyz», -dedi Raıymbek Batalov.