Ýkraına PTR-anyqtamasy bar azamattarǵa elge kirýge ruqsat berdi

KIEV. ÝKRINFORM – QazAqparat – Ýkraınanyń mınıstrler kabıneti koronavırýsqa PTR-testileýdiń teris nátıjesi týraly anyqtama usynatyndarǵa elge kirýge ruqsat berdi. Bul týraly brıfıng barysynda Ýkraınanyń Densaýlyq saqtaý mınıstri Maksım Stepanov málim etti, dep habarlaıdy QazAqparat «Ýkrınformǵa» silteme jasap.

«Shekara tizimine qatysty ózgerister engizildi... Azamat qaı elden kelgenine qaramastan, barlyǵy PTR ádisimen testileý jóninde anyqtama usynýy qajet», - dedi mınıstr.

Testiń jasalǵan merzimi Ýkraınaǵa kirerden 48 saǵattan aspaýy tıis.

Ýkrınformnyń málimetinshe, pandemııa bastalǵaly elde koronavırýsqa jalpy 1 565 732 adam shaldyqty, jazyldy – 1 268 886 naýqas, qaıtys boldy – 30 431 adam.