Ýkraına prezıdenti jappaı mobılızatsııalaý týraly jarlyqqa qol qoıdy

KIEV. ÝKRINFORM-QazAqparat – Ýkraına prezıdenti Vladımır Zelenskıı jappaı mobılızatsııalaý týraly jarlyqqa qol qoıdy. Atalǵan qujat memlekettiń saıtynda jarııalandy, dep habarlaıdy QazAqparat Ýkrınform agenttigine silteme jasap.

Mobılızatsııalaý Vınnıtsa, Volyn, Dneptropetrov, Donetsk, Jıtımor, Zakarpat, Zaporoje, Ivano-Frankovsk, Kıev, Kırovograd, Lýgansk, Lvov, Nıkolaev, Odessa, Poltava, Rıvnensk, Sýmy, Ternopol, Harkov, Herson, Hmelnıtskıı, Cherkas, Chernovtsy, Chernıgov oblystary men Kıev qalasynyń aýmaǵynda júretin bolady.

Ol jarlyq kúshine engen kúnnen bastap 90 táýlik ishinde júredi.

Sondaı-aq Jarlyqta áskerı mindettilerdi, rezervısterdi shaqyrý jáne Qarýly kúshterdiń, Ulttyq ulannyń, Ýkraınanyń qaýipsizdik qyzmetiniń, Memlekettik shekara qyzmetiniń, Memlekettik arnaıy kólik qyzmetiniń, Memlekettik arnaıy baılanys jáne aqparatty qorǵaý qyzmetiniń, Ýkraınanyń basqa da áskerı qurylymdarynyń jumysyn qamtamasyz etý maqsatynda kólik quraldaryn taratý qarastyrylǵan.