Ýkraına Prezıdenti Goncharýk Úkimetine taǵy bir múmkindik berdi

NUR-SULTAN. QazAqparat – Ýkraına Prezıdenti Vladımır Zelenskıı Alekseı Goncharýktiń Premer-Mınıstr qyzmetinen bosatý týraly ótinishin qarastyryp, Úkimetke birqatar shartty oryndaǵan jaǵdaıda taǵy bir múmkindik berýge sheshim qabyldady, dep habarlaıdy QazAqparat Ýkrınformǵa silteme jasap.

Ýkraına basshysy baspasóz qyzmetiniń habarlaýynsha, ol bul jaıynda eldiń Premer-Mınıstri Alekseı Goncharýkpen kezdesýi barysynda málimdegen.

«Búginde óte mańyzdy ári qoǵamymyzdy alańdatyp otyrǵan birqatar máseleni sheshe alsańyz, onda sizdiń Úkimetińizge múmkindik berý týraly sheshim qabyldadym. Dál qazir memleketti ekononomıkalyq jáne saıası turǵyda shaıqatatyn ýaqyt emes», - dedi Ýkraına Prezıdenti Goncharýkke qarata.

Buǵan deıin Ýkraına Premer-Mınıstri Alekseı Goncharýktyń otstavkaǵa ótinish jazǵanyn habarlaǵan bolatynbyz.

«Laýazymǵa Prezıdenttiń baǵdarlamasyn oryndaý úshin kelgen edim. Ol men úshin ashyqtyq pen adaldyqtyń úlgisi sanalady. Alaıda, Prezıdentke degen bizdiń qurmetimiz ben senimimizge kez kelgen kúdik týdyrmaý úshin otstavkaǵa ótinish jazyp, ony Parlamentke shyǵarý quqymen Prezıdentke berdim», - dep jazǵan edi Alekseı Goncharýk Facebook paraqshasynda.