Ýkraına porttarynan Túrkııaǵa qaraı taǵy 4 keme shyǵady

ANKARA. Anadoly -QazAqparat – Ulttyq qorǵanys mınıstri Hýlýsı Akarmen baılanys ornatý jáne 7 tamyzda Ystanbuldaǵy Birlesken úılestirý ortalyǵymen kelisý nátıjesinde Ýkraına porttarynan taǵy 4 kemeni shyǵarý josparlandy, dep habarlaıdy QazAqparat Anadoly aqparat agenttigine silteme jasap.

Ulttyq qorǵanys mınıstrliginiń málimdemesinde Ýkraınadan júzýi josparlanǵan kemelerdiń biri Odessadan, taǵy 3 keme Chernomorskiden jolǵa shyǵady.

Ýkraına kemejaılaryna bir bos júk kemesin kirgizý josparlanyp otyr.
Júkterdi daıyndaý jáne tasymaldaýdy kelisý belgilengen tártipte jalǵasýda.
22 shildede Ystambulda Túrkııa prezıdenti Rejep Taıyp Erdoǵan men BUU Bas hatshysy Antonıý Gýterrıshtiń qatysýymen Ýkraına porttarynan astyqty qaýipsiz tasymaldaý týraly kelisimge qol qoıyldy. Qujatqa Ýkraına, Reseı, BUU jáne Túrkııa ókilderi qol qoıdy.
Sońǵy birneshe kúnde Odessa porttarynan «astyq dálizimen» júgeri tıelgen tórt keme júzip ketti.

Foto: aa.com.tr