Ýkraına quramasynyń burynǵy qaqpashysy «Elimaı» sapyna qosyldy

<p>ASTANA. KAZINFORM - Fýtboldan Ýkraına quramasynyń burynǵy qaqpashysy Maksım Koval &laquo;Elimaı&raquo; sapyna qosyldy.</p>

Maksım Koval fýtboldaǵy alǵashqy qadamyn Ýkraınanyń «Metallýrg» (Zaporoje) komandasynda bastaǵan. Odan bólek sol eldiń «Dınamo» (Kıev), «Goverla» (Ýjgorod), Danııanyń «Odense», «Deportıvo» (Ispanııa), «Ál-Fateh» (Saýd Arabııasy) jáne «Sherıf» (Moldova) klýbtarynda oıyn kórsetken. 

2012-13 jylǵy Ýkraına birinshiliginiń úzdik qaqpashysy atandy. Ýkraına kýboginiń ıegeri, Moldova birinshiligi men kýboginiń jeńimpazy boldy. Ýkraına ulttyq quramasy sapynda 31-jasar fýtbolshy 2012 jylǵy Eýropa chempıonatyna qatysty.

Qazirge deıin grekııalyq «Arıs» komandasynda oınap, semeılik komandaǵa erkin agent retinde aýysty. Tájirıbeli fýtbolshy eýrokýbok oıyndarynda 49 matchqa qatysqan.

Eske salsaq, budan buryn fýtbolshy Aleksandr Zýev qostanaılyq «Tobyl» komandasynyń qataryna qosyldy.