Ýkraına koronavırýstyń úshinshi tolqynyna daıyndalyp jatyr
18:38, 04 Naýryz 2021
KIEV. Ýkrınform-QazAqparat - Ýkraına premer-mınıstri Denıs Shmygal elde COVID-19 úshinshi tolqynynyń bastalǵanyn málimdep, kelesi lokdaýnnyń múmkindigin joqqa shyǵarmaıtynyn jetkizdi, dep habarlaıdy QazAqparat Ýkrınform saıtyna silteme jasap.
Degenmen ol jaǵdaıdy beıimdelgen karantın quraldarymen barynsha basqarýǵa ýáde beredi.
Bul týraly Denıs Shmygal Úkimettiń tóraǵalyǵymen ótken jyl qorytyndysy jaıly baspasóz máslıhatynda aıtty.
«Biz qazir kún saıyn naýqastaný jaǵdaılarynyń kóbeıýin kórip otyrmyz, ókinishke qaraı, Ýkraınada indettiń úshinshi tolqyny bastalǵanyn aıtý kerek. Bul statıstıkany jasyrý nemese basqasha túsindirý múmkin emes. Sanaly bolý kerek, Ýkraınada koronavırýs pandemııasynyń úshinshi tolqyny bastaldy», - dedi Shmygal.