Ýkraına qaza tapqan shahterlerdi aza tutýda

ASTANA. QazAqparat  -   2017 jylǵy 3 naýryz Ýkraınada   «Stepnaıa» shahtasynda qaza tapqandardy aza tutý kúni bolyp jarııalandy, dep habarlady ÝKRINFORM.

Ýkraına prezıdenti Petr Poroshenkonyń jarlyǵyna sáıkes qaıǵyly qazaǵa ushyraǵan shahterlerdi bir mınýt únsizdikpen eske aldy.

Aza tutý kúninde memlekettik bılik, jergilikti basqarý organdary, memlekettik kásiporyndar, mekemeler men uıymdarda memlekettik tý tómen túsiriledi. Sondaı-aq mádenıet mekemeleri men teleradıokompanııa oıyn-saýyq  sharalary men baǵdarlamalaryn keıinge qaldyrady.

Apat 2017 jylǵy 2 naýryzda «Lvovýgol» kásipornynyń «Stepnaıa» shahtasy bólimshesinde oryn aldy.  Jarylys saldarynan shahtadaǵy taý jynystary opyrylyp qulaǵan. Ulttyq polıtsııa pen prokýratýranyń derekterine sáıkes 8 keshi qaza tapqan, al aýrýhanaǵa jatqyzylǵandar sany 21-ge jetti.

Eske sala keteıik, buǵan deıin QR Prezıdenti Nursultan Nazarbaev Ýkraına Prezıdenti Petr Poroshenkoǵa kóńil aıtý jedelhatyn joldaǵany týraly habarlaǵan bolatynbyz.