Ýkraına áskerı jaǵdaı rejımin engizdi

KIEV. QazAqparat - Ýkraına Prezıdenti Vladımır Zelenskıı el halqyna úndeý jarııalap, Ýkraına aýmaǵynda áskerı jaǵdaı rejımi engizilgenin málimdedi, dep habarlaıdy QazAqparat Ýkrınform aqparat agenttigine silteme jasap.

Bul týraly Ýkraına Prezıdentiniń Facebook-tegi resmı paraqshasynda jarııalanǵan úndeýde aıtylǵan.

«Biz elimizdiń barlyq aýmaǵynda áskerı jaǵdaı rejımin engizemiz. Bir mınýt buryn men prezıdent Baıdenmen sóılestim. AQSh halyqaralyq qoldaýdy jumyldyrýǵa kirisip ketti. Búgin árqaısyńyz sabyrlyq saqtaýyńyz qajet, múmkindiginshe, úıde qalyńyzdar. Biz jumys istep jatyrmyz, ásker, Ýkraınanyń qaýipsizdik sektory túgel jumys istep otyr», - dedi Ýkraına basshysy.