Úkimettiń jumysyna jańa serpin berý qajet - Prezıdent

<p>ASTANA. KAZINORM &ndash; Úkimettiń jumysyna jańa serpin berý qajet. Bul týraly Májilisti jalpy otyrysynda Memleket basshysy Qasym-Jomart Toqaev aıtty.</p>

«Jańa ekonomıkalyq damý jaǵdaıyna beıim bolyp, kez kelgen qaýip-qaterge tótep berý úshin Úkimettiń ózi de tolyq qaıta jandanýǵa daıyn bolýy tıis. Sonyń arqasynda ózekti máselelerge jańa kózqaraspen qarap, naǵyz reformatorlyq sheshimder qabyldaý múmkin bolmaq. Jalpy, Úkimettiń jumysyna jańa serpin berý qajet dep oılaımyn. Búkil qoǵamnyń kútip otyrǵany osy. Sol sebepti keshe men Premer-Mınıstr Álıhan Ashanuly Smaıylovtyń otstavkasy týraly ótinishin qabyldadym. Álıhan Ashanulynyń basshylyǵymen Úkimet el ekonomıkasynda jáne áleýmettik salada turaqtylyqty qamtamasyz etti. Qarqyndy damýǵa qajetti mańyzdy qadamdar jasady», - dedi Prezıdent. 

Aıta keteıik, qazirgi ýaqytta Májiliste Premer-Mınıstr laýazymyna Oljas Bektenovtyń kandıdatýrasy talqylanyp jatyr.