Úkimettiń zań jobalaý jumystarynyń 2025 jylǵa arnalǵan jospary bekitildi

<p>ASTANA. KAZINFORM &mdash; Premer-Mınıstr Oljas Bektenovtiń tóraǵalyǵymen ótken Úkimet otyrysynda Úkimettiń 2025 jylǵa arnalǵan zań jobalaý jumysynyń jospary maquldandy. Jańa redaktsııada 6 zań jobasyn ázirleý, sondaı-aq qoldanystaǵy 13 normatıvti-quqyqtyq aktige túzetýler engizý qajet.</p>

Premer-mınıstr 19 zań jobasynyń 12-si Memleket basshysynyń tapsyrmalaryn iske asyrýǵa baǵyttalǵanyn atap ótti. Úkimet pen basqa da memlekettik organdar ekonomıkany ornyqty damýyna, densaýlyq saqtaý júıesin jáne azamattardyń ómir súrý sapasyn jaqsartýǵa baǵyttalǵan aýqymdy zańnamalyq bastamalar toptamasyn daıyndaýy tıis. 

Memleket basshysynyń Joldaýyn iske asyrý sheńberinde jospar jobasy qarjy naryǵyn turaqty damytýǵa jáne kásipkerlik sýbektileri men azamattardyń ekonomıkalyq belsendiligin yntalandyrýǵa baǵyttalǵan «Bankter jáne bank qyzmeti týraly» jańa Zańdy ázirleýdi kózdeıdi. Sondaı-aq saılaý zańnamasyn, memlekettik qyzmetti, mindetti medıtsınalyq saqtandyrýdy, densaýlyq saqtaýdy damytýdy, balamaly energııa kózderin, telekommýnıkatsııa naryǵyn jáne derekter ortalyqtaryn jetildirýge erekshe nazar aýdaryldy. 

Úkimet músheleri usynǵan jospar jobasyn maquldady. Premer-mınıstr bıylǵy josparynyń qalǵan barlyq zań jobasyn Parlamentke engizý jumystaryn aıaqtaýdy jáne sapaly súıemeldeýdi qamtamasyz etýdi tapsyrdy.