Úkimettiń boryshy 24,9 trln teńgege jetken – Álıhan Smaıylov

<p>ASTANA. KAZINFORM &ndash;&nbsp; Joǵary aýdıtorlyq palata tóraǵasy Álıhan Smaıylov Májilistiń jalpy otyrysynda Úkimettik boryshtardyń artqanyna alańdaýshylyq bildirdi.</p>

«Qazir memlekettik borysh qaýipsiz shekte bolǵanymen, Úkimettiń boryshtyq mindettemeleri bıyl qańtar aıyndaǵy jaǵdaı boıynsha 24,9 trln teńge boldy. 2024-2025 jyldary ótken onjyldyqta tartylǵan qaryzdardy qaıtarý boıynsha bıýdjetke eń joǵary júkteme túsip otyr. 2023 jyly qaryzdardy óteýge jáne qyzmet kórsetýge Ulttyq qordyń transfertterin esepke almaǵanda, bıýdjet kiristeriniń 28%-y nemese barlyq shyǵysynyń 19%-y jiberildi», - dedi ol.

Joǵary aýdıtorlyq palata basshysy memlekettik jáne kvazımemlekettik boryshtyń jaı-kúıi týraly aqparatty ashyǵyraq kórsetý kerek ekenin aıtty.

Eske salsaq, Álıhan Smaıylov bıylǵy 5 aqpanǵa deıin Úkimetke jetekshilik etken edi.