Úkimette qysqy IX Azııa oıyndaryna daıyndyq sharalary qaraldy
Týrızm jáne sport mınıstri Erbol Myrzabosynov baıandama jasady. Qysqy IX Azııa oıyndary 2025 jyldyń 7-14 aqpany aralyǵynda Qytaıdyń Harbın qalasynda ótedi. Qazaqstan quramasy 10 baǵdarlama boıynsha 6 sport túrinen baq synaıdy. Búgingi tańda sportshylar sany bekitilip, 138 sportshy qatysatyny belgili boldy. Aldaǵy qysqy Azııa oıyndary 2026 jyly Mılanda ótetin Olımpıada oıyndaryna sapaly daıyndyq jumystaryn kúsheıtýge múmkindik beredi.
Іri sporttyq is-sharalar ótkizý halyqtyń qysqy sport túrlerimen aınalysýǵa degen qyzyǵýshylyǵyn arttyra túsetinin, sondaı-aq týrızmge tyń serpin beretinin atap ótildi. Bul rette qazaqstandyqtar úshin sport ınfraqurylymy qoljetimdiliginiń mańyzdylyǵy basa aıtyldy.
— Barlyq sport obektileri qalyń kópshilikke qoljetimdi bolyp qalýǵa tıis. Bul sportpen shuǵyldanýshylar sanyn arttyryp, osy nysandar aınalasynda bıznestiń damýyna jol ashady. Ákimdikter men kásipkerler atalǵan baǵytta belsendi jumys isteýi kerek. Tek sonda ǵana halyqty kóptep tartýǵa múmkindik týady. Ol bıznes pen sport-týrıstik nysandar aınalasyndaǵy eldi mekenderge mýltıplıkatıvti áser beredi, — dedi Oljas Bektenov.
Premer-mınıstr Týrızm jáne sport mınıstrligine ákimdiktermen birlesip ınvestorlar tartyp, sport ınfraqurylymyn salý úshin qolaıly jaǵdaı jasaý, onyń ishinde Almatymen qatar Almaty oblysynda, Shyǵys Qazaqstanda jáne basqa aımaqtarda jańadan taý shańǵysy trassalaryn jasaý jumystaryn jandandyrýdy tapsyrdy. Búginde eń tanymal qysqy demalys oryndarynyń biri — Shymbulaqtyń táýliktiń júktemesi jobalyq qýatynan asyp tústi. 2024 jyly kelýshiler sany 1,5 mln-nan asty.
Jalpy elimiz boıynsha Memleket basshysy tapsyrmasymen salaýatty ómir saltyn damytyp, halyqty dene shynyqtyrýmen aınalysýǵa tartý úshin keshendi sharalar qabyldanýda. Respýblıka boıynsha 5 jyl ishinde 215 dene shynyqtyrý kesheni, 17 júzý basseıni, 57 sport maneji jáne 1,5 myńnan astam sport alańy salyndy. Jeke ınvestorlar esebinen 92 joba iske asyryldy.
Premer-mınıstr olımpıadalyq standarttarǵa baǵdarlanǵan tıimdi daıyndyq baǵdarlamalaryn qurý boıynsha qarqyndy jumys qajet ekenin atap ótti.
Búgingi tańda sportshylar daıarlaýdyń naqty júıesiniń joqtyǵy, jattyqtyrýshy quramnyń jetispeýshiligi, sport túrleri boıynsha óńirler arasyndaǵy básekelestiktiń tómendigi baıqalady.
— Memleket basshysy joǵary jetistikter sportyna qatysty naqty mindetter qoıdy. Bul rette sport túrlerin tańdaý ǵylymı turǵyda negizdelip, elimizge tán erekshelikterge súıene otyryp jasalýy kerek. Atalǵan máseleniń sheshimi sport federatsııalarynyń qyzmetin, olardyń halyqaralyq, respýblıkalyq jáne jergilikti deńgeılerdegi jumysyn da retteýge tıis. Sondaı-aq Týrızm jáne sport mınıstrligi jergilikti atqarýshy organdarmen birlesip, balalar men jasóspirimder sportyn damytý, sport mektepteri men sektsııalaryn qurý jáne qoldaý jóninde sharalar qabyldaýy qajet. Sporttyq medıtsınany damytý jumysyn jandandyrý kerek. Bárimiz qazaq sportynyń básekege qabiletti bolýy úshin kúsh-jigerimizdi jumyldyrýǵa tıispiz, — dep atap ótti Oljas Bektenov.
Týrızm jáne sport mınıstrligine ákimdikter, barlyq múddeli uıym men kompanııalarǵa — Qazaqstan quramasynyń Qytaıda sátti nátıje kórsetý úshin sportshylarymyzǵa barlyq jaǵdaı jasaý tapsyryldy. Syrtqy ister mınıstrligine ulttyq quramaǵa dıplomatııalyq jeli boıynsha tıisti qoldaý kórsetý mindeti qoıyldy.
Mádenıet jáne aqparat mınıstrligine qazaqstandyq sportshylar qatysatyn Azııa oıyndarynyń úzdiksiz ári sapaly kórsetilimin qamtamasyz etý tapsyryldy.
Týrızm jáne sport mınıstrligine ákimdiktermen, Ulttyq Olımpıada komıtetterimen, federatsııalarmen birlesip, 2026 jylǵy qysqy Olımpıada oıyndaryna sapaly daıyndyq jumystaryn barynsha kúsheıtý boıynsha tapsyrma berildi.
Úkimet otyrysy sońynda Premer-mınıstr áıgili sportshylar — olımpıada jeńimpazdary Vladımır Smırnovtyń, Lıýdmıla Prokashevanyń, Elena Hrýstalevanyń, Denıs Tenniń, ıÝlııa Galyshevanyń qazaq sportyndaǵy etken eńbegi men jetistikterin atap ótti. Oljas Bektenov sportshylarǵa Harbınde ótetin qysqy IX Azııa oıyndarynda sátti óner kórsetýlerine tilektestik bildirdi.
Eske sala keteıik, qysqy Azııa oıyndarynda Qazaqstannan týdy kimder ustap shyǵatynyn jazǵan bolatynbyz.