Úkimette «Qazaqtelekom» kompanııalar tobyn demonopolızatsııalaý barysy talqylandy

<p>ASTANA. KAZINFORM - Úkimette QR Premer-Mınıstri Álıhan Smaıylovtyń tóraǵalyǵymen Ekonomıkany demonopolızatsııalaý jónindegi komıssııanyń kezekti otyrysy ótti, dep habarlaıdy Úkimettiń <a href="https://primeminister.kz/news/ukimette-kazaktelekom-ak-nyn-mobildi-operatorlarynyn-birin-zhana-investorga-beru-maselesi-talkylandy-27005" target="_blank" rel="noopener">baspasóz</a> qyzmeti.</p>

Qatysýshylar «Qazaqtelekom» AQ kompanııalar tobyn demonopolızatsııalaý barysyn talqylady.

Atap aıtqanda, mobıldi operatorlardyń birin básekege qabiletti naryqqa shyǵarý protsesi qarastyryldy. Qazirgi ýaqytta áleýetti sheteldik ınvestorlarmen kelissózder júrgizilip jatqany aıtyldy.

Jalpy bul shara halyqqa kórsetiletin qyzmet sapasyn arttyryp, telekommýnıkatsııa salasynyń damýyna oń áserin tıgizedi dep kútilýde.

Premer-Mınıstr bul baǵyttaǵy jumysty jedeldetýdi tapsyrdy.

Otyrysta sondaı-aq hımııa ónerkásibindegi jáne basqa da salalardaǵy birqatar kásiporynnyń jumysy talqylandy.