Úkimette ınvestıtsııa tartý jónindegi keńestiń kezekti otyrysy ótti

<p>ASTANA. KAZINFORM &mdash; QR Premer-Mınıstriniń birinshi orynbasary Roman Sklıardyń tóraǵalyǵymen ınvestıtsııalar tartý jónindegi keńestiń kezekti otyrysynda Astana qalasynyń ınvestıtsııalyq baǵdarlamasy bekitildi, onyń sheńberinde qajetti túıindi salalar men jobalar usynyldy.</p>

Baǵdarlama ınvestıtsııalarǵa «tapsyrys» modeline kóshýdi kózdeıtin óńirlerdiń ınvestıtsııalyq baǵdarlamasynyń 17 mamyrda maquldanǵan tetiginiń logıkalyq jalǵasy boldy. Astana osy modeldi engizý úshin pılottyq aımaq bolyp tańdaldy.

Otyrys barysynda birqatar iri jobalardyń júzege asyrylý barysy men keleshegi talqylandy. Ammıak, karbamıd jáne kalıı tyńaıtqyshtaryn óndirýge baǵyttalǵan «KazAzot Prime» jáne «QAZAQ KALIUM LTD» sııaqty jobalarǵa erekshe nazar aýdaryldy. Bul jobalar agrarlyq sektordy qajetti tyńaıtqyshtarmen qamtamasyz etýde sheshýshi ról atqarady jáne óńir ekonomıkasynyń damýyna yqpal etedi.

Energetıka sektoryna ınvestıtsııalar tartý kún tártibindegi jeke másele retinde qarastyryldy.