Úkimette ekonomıkany jańǵyrtý máseleleri jónindegi memlekettik komıssııanyń otyrysy ótti

<p>Úkimette QR Premer-Mınıstri Álıhan Smaıylovtyń tóraǵalyǵymen Ekonomıkany jańǵyrtý máseleleri jónindegi memlekettik komıssııanyń otyrysy ótti, dep habarlaıdy Úkimettiń baspasóz qyzmeti.</p>

Jıynda Jekeshelendirýdiń 2021-2025 jyldarǵa arnalǵan keshendi josparyn iske asyrýdyń, ónerkásipti, taý-ken metallýrgııa keshenin jáne geologııalyq barlaýdy damytýdyń, sondaı-aq «Qazaqtelekom» AQ mobıldi operatorlarynyń birin básekelestik ortaǵa berýdiń ózekti máseleleri qaraldy.

Ortalyq memlekettik organdar, «Samuryq-Qazyna», «Qazaqtelekom» jáne «Taý-Ken Samuryq» kompanııalary basshylarynyń qatysýymen ótken talqylaý qorytyndysy boıynsha Memlekettik komıssııa birqatar tıisti sheshimder qabyldady.