Úkimette CNPC korporatsııasy munaı-gaz salasyndaǵy birlesken jobalardy talqylady

<p>ASTANA. KAZINFORM &ndash; Roman Sklıar men CNPC kompanııasynyń prezıdenti Hoý Chıtszıýn munaı-gaz salasyndaǵy birlesken jobalardyń iske asyrylý barysyn talqylady. Bul týraly Úkimet málim etti.&nbsp;</p>

Premer-mınıstrdiń birinshi orynbasary Roman Sklıar men CNPC kompanııasynyń prezıdenti Hoý Chıtszıýn Qazaqstan men Qytaı arasyndaǵy buryn qol jetkizilgen ýaǵdalastyqtar sheńberinde munaı-gaz salasyndaǵy birlesken jobalardyń iske asyrylý barysyn talqylady. Kezdesý beınekonferentsııa formatynda ótti.

Taraptar energetıka salasyndaǵy strategııalyq yntymaqtastyqty tereńdetýdiń mańyzyn atap ótip, birlesken jobalardy iske asyrýdyń qazirgi jetistigi men ary qaraıǵy perspektıvasyn talqylady.

Vıtse-premer elimizdiń QHR-men, atap aıtqanda, Qytaı ulttyq munaı-gaz korporatsııasymen yntymaqtastyǵynyń barlyq baǵyttary boıynsha qarqyndy damýyn atap ótti.

Kezdesý barysynda munaı óńdeý obektilerin rekonstrýktsııalaýdyń, munaı qubyrlarynyń ınfraqurylymyn damytýdyń, gaz salasyndaǵy yntymaqtastyqtyń, jańartylatyn energııa kózderiniń jáne ózara is-qımyldyń basqa da mańyzdy aspektileriniń negizgi máselelerine erekshe nazar aýdaryldy.

Birlesken jobalar boıynsha arnaıy jumys toptarynyń esepteri tyńdaldy. Taraptar barlyq baǵyt boıynsha oń nátıje bar ekenin atap ótti, sondaı-aq olardy odan ári iske asyrý jónindegi josparlardy talqylady.

Hoý Chıtszıýn qazaqstandyq tarapqa ashyq dıalog úshin alǵysyn bildirip, CNPC ozyq tehnologııalardy engizýge jáne ózara tıimdi jobalardy iske asyrýǵa baǵyttalǵan tyǵyz yntymaqtastyqty jalǵastyrýǵa daıyn ekenin atap ótti.

Kezdesý qorytyndysynda taıaý jyldary Qazaqstannyń energetıka salasyn nyǵaıtýǵa yqpal etetin birqatar negizgi baǵyttar boıynsha ýaǵdalastyqtarǵa qol jetkizildi.